ҚазРусEng

Тұрақты даму

Медициналық қызмет

Жұмыс орнындағы алғашқы медициналық көмек

КПО медициналық қызмет көрсету командасы Компания қызметкерлеріне алғашқы медициналық көмек көрсетуден бастап, тәулігіне 24 сағат жұмыс істейтін бес толық жабдықталған медпункттерде медициналық эвакуация мен репатриацияға дейін жедел медициналық көмек көрсетеді. КПО медициналық топтың қарамағында қарапайым және жол талғамайтын реанимацияға қажет құралдармен жабдықталған жедел жәрдем машиналары бар.

Медициналық топ қауіпсіздік тұрғысынан аса маңызды қызметкерлерді ауысым алдындағы медициналық тексерулерді, оның ішінде алкогольге іріктемелі тесттерді жүргізеді.

2019 жылы шұғыл медициналық көмек көрсету тобының қызметкерлері ACLS жүрек қызметін ауруханаға дейін сақтау туралы және ITLS жарақат алған кезде тіршілік әрекетін сақтау туралы оқытуларды халықаралық стандарттарға сай аяқтап шықты. Сонымен қатар КПО-ның жедел жәрдем машиналарының барлық жүргізушілері үш күндік арнайы жарық пен дыбыс дабылдарын беру құрылғыларымен жабдықталған көліктерді жүргізу бойынша оқытудан өтті.

ЕҚ, ҚТ және ҚОҚ көрсеткіштерін жақсарту жоспарында медициналық эвакуация мүмкіндіктерін жақсарту қадамдары да қамтылған болатын. Кіші авиацияны тарту мүмкіндігі бағаланып, шақыру бойынша тікұшақты қамтамасыз ететін қызмет жеткізушісі іріктелді. 2019 жылы медициналық эвакуацияға арналған санитарлық авиация қызметтерін көрсету бойынша келісімшартқа қол қойылды. Осының арқасында Компания бір қызметкердің медициналық эвакуациясын сәтті жүзеге асырды.

2018 жылы енгізілген шұғыл реанимация қызметін көрсету үшін АСД орнату бағдарламасы аясында 2019 жылы қызметкерлерге First Aiders АСД-жаттығу құрылғымен алғашқы көмек көрсету бойынша оқыту жүргізілді. Жоспар бойынша 2019 жылы КПО-ның бес ғимаратында АСД орнатылды. 2020 жылы КПО медициналық пункттерінен ең алыс орналасқан нысандар мен ғимараттарда тағы төрт АСД-жаттығу құрылғылары орнатылды. 2021 жылы жеткізілетін қосымша он дефибрилляторға тапсырыс берілді.

2020 жылдан бастап КПО Денсаулық сақтау бөлімі қысқа уақыт ішінде автоматты режімде ауысым алдындағы медициналық тексеруді жүргізуге мүмкіндік беретін бағдарламалық-аппараттық кешен жүйесін пайдаланады. Бір минут ішінде қызметкердің қан қысымы, тамырдың соғуы және дене қызуы өлшеніп, тыныс шығару ауасында алкогольдің болуы және есірткінің қолдануы анықталады. 2020 жылы пандемияға байланысты бұл жоба уақытша тоқтатылды.

2019 жылдан бастап КПО ұсыныстарға сәйкес Ақсай қаласы ауруханасының шұғыл әрекет ету қызметтерінің сапасын арттыру жобасын іске асыруда. КПО «Шелл» және «Эни» құрушы компанияларының ұсыныстары негізінде КПО персоналды даярлау, шұғыл көмек бөлімшесін жабдықтандыру және техникалық қызмет көрсету жоспарын әзірлейді.

Ауысым алдындағы және ауысымнан кейінгі медициналық тексеру

Заңнама белгілі кәсіптер қызметкерлерінің ауысым алдындағы және ауысымнан кейінгі медициналық тексеруден өтуін талап етеді.

Ауысым алдындағы медициналық тексеруден мұнайды өндіру, дайындау және айдау операторлары және қуаттылығы 220 В және одан жоғары қондырғыларда жұмыс істейтін электриктер өту тиіс. КПО-да жұмыс істейтін барлық жүргізушілер жолға шығар алдындағы және сапардан келген кейінгі медициналық тексеруден өтеді. Жолға шығар алдындағы және сапардан келген кейінгі медициналық тексеру медициналық қызмет көрсету секторының күшімен және мердігер медициналық мекемелердің медицина қызметкерлерімен жүргізіледі.

КПО компаниясының саясаты бойынша қызметкерлер алкогольге не есірткіге мас күйінде жұмыс орнында болуға тыйым салынады. Көп жағдайда мемлекеттік емдеу мекемесінде мас күйінде болу фактісін растауды талап ететін медициналық тексерулер кезінде аса маңызды фактор — уақыт көп кететін еді. 2019 жылдан бастап Бөрлі орталық аудандық ауруханасымен шартқа отыру туралы шешім қабылданды. Шарт бойынша тексеруді барлық рұқсат құжаттары бар және кен орнында тәулік бойы жасайтын медициналық қызметкер өткізетін болды.