Компания туралы
- Басты бет
- /
- Компания туралы
- /
- Компанияның басшылығы
КПО басшылығы
 | Марко Марсили Марко Марсилидің мұнай-газ саласында жасаған жиырма бес жылдан астам мол тәжірибесі бар, осы уақыт ішінде ол бірқатар халықаралық жобаларда әртүрлі лауазымдар атқарып, зор техникалық және өндірістік тәжірибе жинап, коммерциялық және басқарушылық дағдыларды үйренген. |
 | Мұхтар Манкеев Мұхтар Манкеевтің басқару саласындағы зор тәжірибесі бар. Ол өз еңбек жолында коммерциялық ұйымдармен қатар, мемлекеттік мекемелерде де жетекші лауазымдар иеленіп келген. Шетелден алған іскерлік басқару магистрі дәрежесінен бөлек, Батыс Қазақстан университетінде инженерлік бағытта тәлім алған. |
 | Никола Аллегро Николаның мұнай және газ өнеркәсібі саласында халықаралық жобаларды басқару бойынша 15 жылға жуық тәжірибесі бар. Ол қызметтік жолын 2007 жылы ENI компаниясында өндіру инженері ретінде бастаған, ал осы қызметке дейін ол Мальтадағы ENI филиалының бас менеджері және Ливия, Триполидағы ENI North Africa (ENINA), Ливия мен Мальта бойынша Өндіріс бөлімінің басқарушысы лауазымын атқарған. Ол әлем бойынша бірқатар елдерде, соның ішінде Ливия, Индонезия, Мысыр, Нигерия, Италия мен Қазақстанда қызмет атқарған. 2016 және 2021 жылдар аралығында ол КПО компаниясында өндірістің техникалық мәселелері жөніндегі бөлім бастығы және кен орны бастығы ретінде жұмыс жасады. |
 | Жан Вак Жан Вактың әлем бойынша басшылық қызметіндегі 20 жылғы жуық тәжірибесі бар. Ол мұнай-газ өндірісі, соның ішінде барлау және өндіру, сондай-ақ мұнай өнімдерін сақтау және тасымалдау саласында әртүрлі қаржылық қызметтерді атқарған. 8 елде қызмет атқарып, түрлі мәдениетпен танысып, оларды жетік меңгерген. Білікті басқарушы есепші ретінде Жан қазынашылық, қаржылық бақылау, корпоративтік қаржы және бірлескен кәсіпорынның қаржысы бойынша терең білім жинақтап, әртүрлі жоғары басқарушылық лауазымдарды, соның ішінде Ирактағы Basrah Gas Company кәсіпорнында, және жақында Мексикадағы Shell бизнестері үшін Қаржы директоры қызметін атқарған. |
 | Алмасбек Мухашов Алмасбек Мухашов мырзаның «Eni» компаниялар тобындағы 20 жылдан астам жұмыс өтілі бар. Ол Нигерия, Мексика, Түркіменстан, Алжир, Тунис, Венесуэла және Қазақстанда мұнай шикізатын барлау, игеру, өндіру, өңдеу, сақтау және сатудың әртүрлі жобаларында сыртқы байланыстар, экономикалық талдау және қаржы, өнеркәсіптік жобаларды әзірлеу салаларынан бастап, сондай-ақ коммерциялық қызметтер және келіссөздер жүргізу бойынша әртүрлі лауазымдарда жұмыс істеді. |
 | Роккантонио Каталано Роккантонио «Enі Group» концернінде 2002 жылдан бері жұмыс істеп келеді және қызметі барысында корпоративтік деңгейде және шет елдерде әртүрлі халықаралық басшылық лауазымдарда жұмыс істеген. Ол — қызметі нәтижеге бағытталған тәжірибелі басшы және оның энергетика мен мұнай-газ салаларында жинаған мол тәжірибесі бар. Осыған дейін ол «Eni» компаниясының табиғи ресурстар бөлімінің Корпоративтік вице-президенті/Қауіпсіздік бөлімінің бастығы және «GSA» компаниясында Бас менеджер (Сахара шөлінің Алжирдағы бөлігінде құрылған «Eni» мен «Sonatrach» компанияларының бірлескен кәсіпорны) қызметтерін атқарған. Роккантонио бұрын Қазақстанда да жұмыс істеген — КПО компаниясында Өндірістік директораттың ЕҚ, ҚТ және ҚОҚ жөніндегі бастығы және ҚТ корпоративтік мәселелері бөлімінің бастығы лауазымдарында қызмет еткен. |
 | Слушаш Ізбасарова Слушаштың еңбек ресурстарын басқару саласындағы басшылық лауазымдарда 20 жылдық жұмыс тәжірибесі бар. Оның бұрынғы лауазымы КПО-ның еңбек ресурстары жөніндегі басқарушы. КПО-ға дейін Слушаш Agip Қазақстан North Caspian Operations Company, NC Production Operations Company B.V., North Caspian Operations Company B.V. сияқты ірі мұнай трансұлттық корпорацияларында басшылық қызметтер атқарды. 2017 жылы Слушаш «Шелл» компаниясына жұмысқа қабылданды. |
 | Сергей Дубынин Сергейдің халықаралық компанияларда заң мәселелерін басқару саласындағы басшылық қызметтерде жинаған 20 жылдық тәжірибесі бар. Ол Shell және оның еншілес ұйымдарында 2007 жылдан бері басшылық қызметтерді атқарып келеді. КПО компаниясына дейін Сергей РФ, Мәскеу қаласындағы Shell Exploration and Production Services (RF) B.V. заң бөлімінің басшысы қызметін атқарған. |
 | Норберт Жалле Норберттің қоршаған орта инженериясы мен экологиялық менеджмент бойынша магистр дәрежесі, сондай-ақ өнеркәсіптік кәсіпорындарда ЕҚ, ҚТ және ҚОҚ саласында 20 жылдық жұмыс өтілі бар. Ол Эни компаниясында 2006 жылдан бері жұмыс жасап келеді, және ЕҚ, ҚТ мен ҚОҚ және тұрақтылықты қамтамасыз ету бөлімі бастығы қызметінде бірқатар елдерде, соның ішінде көбінесе Африка елдерінде қызмет атқарған. Норберт «ENI», «ERM», «NAOC» және т.б. халықаралық компанияларда бірқатар басшылық қызметтерді атқарған. КПО-ға тағайындалғанға дейін Нигерия, Порт-Харкорт қаласындағы Энидің еншілес кәсіпорны болған «NAOC» компаниясында ЕҚ, ҚТ және ҚОҚ бойынша корпоративтік бөлімінің басшысы қызметін атқарды. |
 | Оскар ван дер Вейде Оскар Shell және оның бөлімдерінде 1990 жылдан бері жұмыс жасап келеді. Бұған дейін ол Үндістан, Бангалордағы Shell Projects & Technology цифрландыру жобаларының бас менеджері қызметін атқарды. Оскардың инжиниринг пен жобаларды басқарудағы тәжірибесі мол. Сондай-ақ ол Нидерланд, Біріккен Корольдік, Нигерия, Үндістан мен Қазақстандағы бірқатар басқарушылық қызметтерді атқарған. |
 | Дос Сантос Сильвестр Карлос Антонио Карлос «Шелл» компаниясында 1996 жылдан бері жұмыс істеп, мұнай-газ саласында 25 жылдан асатын тәжірибе жинаған. Ол түрлі стратегиялық, техникалық және операциялық қызметтерде жүріп, қауіпсіздік техникасы, жеткізу желілері және логистика саласында мол білім жинақтаған. Өз еңбек жолында ол түрлі елдерде жеткізілімдер мен үлестіруді ұйымдастыру, өндіріс және кешенді газ тарату сынды қатер деңгейі жоғары жұмыстарды басқарған. КПО-ға келмес бұрын, Карлос Катарда жеткізілімдерді ұйымдастыру жөніндегі менеджер / логистика саласындағы озық тәжірибе орталығының менеджері қызметін атқарған. |
 | Жанат Жахметова Жанат Жахметованың цифрландыру және ақпараттық технологиялар саласында 15 жылдық басқару тәжірибесі бар. Ол инфокоммуникация технологиялары мен электрондық Үкімет жобаларына жетекшілік етіп, «Зерде» ұлттық инфокоммуникация холдингі АҚ басқарма төрағасының орынбасары және ҚР Ақпарат және коммуникациялар министрлігінің ақпараттық технологиялар департаменті директорының орынбасары қызметтерін атқарған. |
